محطة توليد لمشروع ضخم

[محمد ابو على محمد]

الأخوة المهندسين الأفاضل
السلام عليكم ورحمة الله وبركاته
عندى استفسار لو تكرمتم
عندى مشروع على مساحة 500 الف متر تقريبا عبارة عن مول ضخم وفندق ومطاعم وبحيرة وميجا ستورز.....
المطلوب في هذا المشروع تغذيته عن طريق المولدات لعدم وجود مصدر تغذية من شركة الكهرباء فى الوقت الحالى ...ماهى اسس استخدام المولدات فى مثل هذا النوع من المشاريع وهل اقوم بوضع مركز للمولدات يغذى كامل المشروع أم اقوم بتوزيع المولدات على المشروع
ولكم منى وافر التحية والتقدير ،،

[Ibrahem abd elhamed]

ممكن تعمل مكان خاص بالمولدات لان هيكون عندك احمال عادية واحمال طوارئ الى جانب ان انت هتحتاج عدد من المولدات وتحتاج تعمل ربط بينهم لان مش هتقدر تشغل المولدات باستمرار لازم يكون فيها مولد او اتنين ستاند باى للشغالين تحسبا انك تخرج مولد للصيانه او تغيير الزيت او فلاتر وبكده هتحتاج لوحات كهربائيه تربط بيها بين المولدات الى جانب انك بالطريقه دى هتوحد مصدر دخول الكهرباء فى المشروع كله من مكان واحد فى وقت يتم توصيل التيار الكهربائى من شركة الكهربا وهتستغنى عن المولدات هيكون عندك المسار واحد مش هتحتاج تعمل تعديل فى الكابلات والمسارات

[أحمد مهدى]

بص يا سيدى هتعمل مكان بعيد محدوف لمحطة التوليد فيها كل المولدات و جمبيها على طول محطة تحويل لفولت عالى 22 كيلو فولت او 11 على حسب و توزع على الموقع بتاعك جهد متوسط و فى كل مكان تعمل محول عادى يحولك 400 فولت علشان تغذى الاحمال العادية ...... دا الحل الامثل و الاقتصادى فى هذه المشاريع

[يوسف الغريب]

أخي الكريم ,,, السلام عليكم و رحمة الله و بركانه ,,
الأخوة الذين تفضلوا بأجوبة كانت بناء ربما على خبرة و علي تجارب سابقة و هذا جيد لكن الطريقة الهندسية المثالية هي كالتالي :

بداية يجب عمل موديل للشبكة بكاملها مع الأحمال طبعا على برنامج الأيتاب ETAP
و من ثم يتم وضع سيناريوهات عديدة للمولدات و أماكنها و استخدام فولت منخفض أو متوسط و تخفيضه بعد ذلك ، و طبعا تدرس الحالة بانتباه لطبيعة الحمولة و جدول التحميل الزمني و تلك يبرع بها برنامج الايتاب .
طبعا مع الحل التقني يمكنك البرنامج مع خبرة المصمم بادخال التكاليف لكل سيناريو ... بعد ذلك تختار السيناريو الأفضل و الأرخص و أنت مطمن .

لمعلومات تفصيلية اتصل بي 0590666711 , ويمكن أن أشرح زيادة لك لأننا واجهنا حالات كثيرة ممائلة في الفترات الأخيرة ,,, تحياتي