صفحة 1 من 2 12 الأخيرةالأخيرة
النتائج 1 إلى 10 من 12

الموضوع: استفسار لمهندس تنفيذ أعمال كهربية

  1. #1
    Junior Engineer
    تاريخ التسجيل
    Apr 2011
    الدولة
    القاهرة
    المشاركات
    20

    استفسار لمهندس تنفيذ أعمال كهربية

    السلام عليكم

    في الفترة القادمة ان شاء الله هشتغل مهندس تنفيذ اعمال كهربية في المباني
    انا كنت اشتغلت فترة قليلة جدا في التصميم (شهرين) و عندي معلومات لا بأس بها في التصميم و معلومات قليلة جدا في التنفيذ
    السؤال لو سمحتم: ازاي بيتم تنفيذ الأعمال الكهربية في البداية؟ و ايه أول شيء اعمله لما ادخل الموقع؟ و هل فيه مراجع او كتب ممكن تفيد مهندس التنفيذ؟ مع العلم اني قرأت حوالي نصف كتاب دكتور جيلاني الخاص بالتصميمات
    للأسف انا لا اعرف الحاجات اللي هبدأ بيها بس لو عرفت الحاجات دي هتفيدني جدا و ان شاء الله ربنا يكرمني بعد كده و اتعلم كل شيء

    اسف جدا بس الموضوع مهم بالنسبة لي و لأي مهندس حديث تخرج عموما
    منتظر اجابتكم
    شكرا جدا مقدما

  2. #2
    Junior Engineer الصورة الرمزية Ibrahem abd elhamed
    تاريخ التسجيل
    Jul 2010
    الدولة
    KSA
    المشاركات
    78

    Cool رد: استفسار لمهندس تنفيذ أعمال كهربية

    اقتباس المشاركة الأصلية كتبت بواسطة ahmedsarhan مشاهدة المشاركة
    السلام عليكم

    في الفترة القادمة ان شاء الله هشتغل مهندس تنفيذ اعمال كهربية في المباني
    انا كنت اشتغلت فترة قليلة جدا في التصميم (شهرين) و عندي معلومات لا بأس بها في التصميم و معلومات قليلة جدا في التنفيذ
    السؤال لو سمحتم: ازاي بيتم تنفيذ الأعمال الكهربية في البداية؟ و ايه أول شيء اعمله لما ادخل الموقع؟ و هل فيه مراجع او كتب ممكن تفيد مهندس التنفيذ؟ مع العلم اني قرأت حوالي نصف كتاب دكتور جيلاني الخاص بالتصميمات
    للأسف انا لا اعرف الحاجات اللي هبدأ بيها بس لو عرفت الحاجات دي هتفيدني جدا و ان شاء الله ربنا يكرمني بعد كده و اتعلم كل شيء

    اسف جدا بس الموضوع مهم بالنسبة لي و لأي مهندس حديث تخرج عموما
    منتظر اجابتكم
    شكرا جدا مقدما
    سلام عليكم ورحمة الله

    اول ما تدخل الموقع تطلب المخططات التنفيذيه وكمان المواصفات وجداول الكميات وتشوف هل اذا كنت انت المسؤل عن عمل المخططات التنقيذيه ام مهندس المكتب الفنى
    تدرس الموثع كويس وتدرس المخططات كويس
    تبدأى بالبنود الجارى العمل بها اما اذا كنت مثلا هتبدا انت التنفيذ من الاول بتكون هى مخططات الارضى ومانعات الصواعق
    وكمان اعتمادات المواد خصوصا مواد التاسيس زى المواسير او الخراطيم ا حسب المستعمل هل بلاستيك ام EMT
    يراعى التنسيق مع الاقسام التانيه زى المدنى اذا العمل الميدات والمعمارى فى مراحل التشطيب وتركيب الافياش والانارة
    عشان تقدر تعرف ايه المناسب للاماكن بالتنسيق مع المعمارى
    قدر المسطتاع تكون المخططات سابقه التنفيذ وتجهيز طلبيات المواد لان ده بيسبب تاخر كتير فى التنفيذ ولو مخططات مش معتمده ومش جاهزه ممكن تظهر مشاكل اثناء التنفيذ
    اعداد المخططات هتخليك دايما عندك توقع للمشاكل او على الاقل هتكون قليله وتتفادى انك تنقذ حاجه وترجع تعدلها

    انا بعتذر ان ممكن متكنش نقاط مرتبه بس ده من المشاكل ال واجهتنى

  3. #3
    Junior Engineer
    تاريخ التسجيل
    Mar 2014
    الدولة
    القاهرة
    المشاركات
    40

    رد: استفسار لمهندس تنفيذ أعمال كهربية

    [QUOTE=ahmedsarhan;468184]السلام عليكم

    يوجد ثلاث كتب من الكود المصري
    الدليل الإرشادي لتطبيق الكود المصري - أسس التصميم
    الدليل الإرشادي لتطبيق الكود المصري - تنفيذ الأعمال
    والثالث إستلام الأعمال
    وهي موجودة في مركز البحوث - محطة البحوث بالدقي وستفيدك جدا -

  4. #4
    Junior Engineer الصورة الرمزية Ibrahem abd elhamed
    تاريخ التسجيل
    Jul 2010
    الدولة
    KSA
    المشاركات
    78

    رد: استفسار لمهندس تنفيذ أعمال كهربية

    [QUOTE=نعمان إبراهيم بعلوشه;468206]
    اقتباس المشاركة الأصلية كتبت بواسطة ahmedsarhan مشاهدة المشاركة
    السلام عليكم

    يوجد ثلاث كتب من الكود المصري
    الدليل الإرشادي لتطبيق الكود المصري - أسس التصميم
    الدليل الإرشادي لتطبيق الكود المصري - تنفيذ الأعمال
    والثالث إستلام الأعمال
    وهي موجودة في مركز البحوث - محطة البحوث بالدقي وستفيدك جدا -


    لو موجوده نسخ معاك PDF
    او مع اى حد يا ريت يعلها ف مشاركه

  5. #5
    Junior Engineer
    تاريخ التسجيل
    Apr 2011
    الدولة
    القاهرة
    المشاركات
    20

    رد: استفسار لمهندس تنفيذ أعمال كهربية

    اقتباس المشاركة الأصلية كتبت بواسطة Ibrahem abd elhamed مشاهدة المشاركة
    سلام عليكم ورحمة الله
    اول ما تدخل الموقع تطلب المخططات التنفيذيه وكمان المواصفات وجداول الكميات وتشوف هل اذا كنت انت المسؤل عن عمل المخططات التنقيذيه ام مهندس المكتب الفنى
    تدرس الموثع كويس وتدرس المخططات كويس
    تبدأى بالبنود الجارى العمل بها اما اذا كنت مثلا هتبدا انت التنفيذ من الاول بتكون هى مخططات الارضى ومانعات الصواعق
    وكمان اعتمادات المواد خصوصا مواد التاسيس زى المواسير او الخراطيم ا حسب المستعمل هل بلاستيك ام EMT
    يراعى التنسيق مع الاقسام التانيه زى المدنى اذا العمل الميدات والمعمارى فى مراحل التشطيب وتركيب الافياش والانارة
    عشان تقدر تعرف ايه المناسب للاماكن بالتنسيق مع المعمارى
    قدر المسطتاع تكون المخططات سابقه التنفيذ وتجهيز طلبيات المواد لان ده بيسبب تاخر كتير فى التنفيذ ولو مخططات مش معتمده ومش جاهزه ممكن تظهر مشاكل اثناء التنفيذ
    اعداد المخططات هتخليك دايما عندك توقع للمشاكل او على الاقل هتكون قليله وتتفادى انك تنقذ حاجه وترجع تعدلها
    انا بعتذر ان ممكن متكنش نقاط مرتبه بس ده من المشاكل ال واجهتنى
    شكرا جدا يا باشمهندس والله بس انا كان ليا كام سؤال لو سمحت

    المخططات التنفيذية دي هيا ال shop drawing؟ و هل مهندس المكتب الفني ممكن يعمل مخططات تنفيذية؟
    و بعد ما يتم استلام المخططات التنفيذية هبدأ بإيه؟ و هقول ايه للعمال عشان ابدأ اشتغل؟ و دي اهم حاجة بالنسبالي
    و ايه هيا البنود الجاري العمل بها عشان مش فاهم النقطة دي معلش؟ و لازم لما ابدأ ابدأ بالأرضي و مانعات الصواعق؟
    طيب و لنفترض اني هبدأ بالأرضي هقول للعمال يشتغلوا ازاي لو سمحت؟
    و المواد مش المفروض انها مكتوبة في جدول الكميات و في الموقع اصلا عشان ابدأ اشتغل بيها ولا انا المسئول عنها ولازم اجيبها؟
    و التنسيق بيتم ازاي مع المهندسين؟ اقولهم ايه مثلا؟ و ايه المشكلة اللي ممكن تحصل مثلا و هما لازم يتدخلوا و نحلها مع بعض؟
    و يعني ايه مخططات سابقه التنفيذ؟ مش المفروض ان المخططات و المواد كلها بتكون جاهزة و انا كمهندس تنفيذ بأبدأ شغل علطول؟

    اسف جدا على الأسئلة الكتير بس انا لسه حديث تخرج و بالتالي مش فاهم شويه

  6. #6
    Junior Engineer
    تاريخ التسجيل
    Apr 2011
    الدولة
    القاهرة
    المشاركات
    20

    رد: استفسار لمهندس تنفيذ أعمال كهربية

    و الكود المصري عندي و هرفعهولك في الموضوع هنا قريب جدا ان شاء الله

  7. #7
    Junior Engineer
    تاريخ التسجيل
    Apr 2011
    الدولة
    القاهرة
    المشاركات
    20

    رد: استفسار لمهندس تنفيذ أعمال كهربية

    [QUOTE=نعمان إبراهيم بعلوشه;468206]
    اقتباس المشاركة الأصلية كتبت بواسطة ahmedsarhan مشاهدة المشاركة
    السلام عليكم

    يوجد ثلاث كتب من الكود المصري
    الدليل الإرشادي لتطبيق الكود المصري - أسس التصميم
    الدليل الإرشادي لتطبيق الكود المصري - تنفيذ الأعمال
    والثالث إستلام الأعمال
    وهي موجودة في مركز البحوث - محطة البحوث بالدقي وستفيدك جدا -
    شكرا جدا يا باشمهندس

  8. #8
    Junior Engineer الصورة الرمزية Ibrahem abd elhamed
    تاريخ التسجيل
    Jul 2010
    الدولة
    KSA
    المشاركات
    78

    Cool رد: استفسار لمهندس تنفيذ أعمال كهربية

    اقتباس المشاركة الأصلية كتبت بواسطة ahmedsarhan مشاهدة المشاركة
    شكرا جدا يا باشمهندس والله بس انا كان ليا كام سؤال لو سمحت

    المخططات التنفيذية دي هيا ال shop drawing؟ و هل مهندس المكتب الفني ممكن يعمل مخططات تنفيذية؟
    و بعد ما يتم استلام المخططات التنفيذية هبدأ بإيه؟ و هقول ايه للعمال عشان ابدأ اشتغل؟ و دي اهم حاجة بالنسبالي
    و ايه هيا البنود الجاري العمل بها عشان مش فاهم النقطة دي معلش؟ و لازم لما ابدأ ابدأ بالأرضي و مانعات الصواعق؟
    طيب و لنفترض اني هبدأ بالأرضي هقول للعمال يشتغلوا ازاي لو سمحت؟
    و المواد مش المفروض انها مكتوبة في جدول الكميات و في الموقع اصلا عشان ابدأ اشتغل بيها ولا انا المسئول عنها ولازم اجيبها؟
    و التنسيق بيتم ازاي مع المهندسين؟ اقولهم ايه مثلا؟ و ايه المشكلة اللي ممكن تحصل مثلا و هما لازم يتدخلوا و نحلها مع بعض؟
    و يعني ايه مخططات سابقه التنفيذ؟ مش المفروض ان المخططات و المواد كلها بتكون جاهزة و انا كمهندس تنفيذ بأبدأ شغل علطول؟

    اسف جدا على الأسئلة الكتير بس انا لسه حديث تخرج و بالتالي مش فاهم شويه
    1- طبيعى جدا ان فى حجات لازم تبقى مش عارفها وفى الموقع هيكونو عارفين كده لانك حديث التخرج وانت كمان لازم تكون فاهم متوترش نفسك وخليك واثق من نفسك لان ده مهم جدا فى التعامل فى الموقع وناس كتير خبرتها سنوات كبيره زبتبقى مش عارفه حجات بسيطه جدا كل الناس بتتعلم
    2-ايوة المخططات التنفيذيه ال shop drawing . ومهندس المكتب الفنى مفروض انه هو ال بيعمل المخططات التنفيذيه لكن دى حجات بترجع للشركه نفسها يعنى مهندس التنفيذ ال هو مهندس الموقع ممكن يكون هو ال بيعمل كل حاجه بسبب ان الشركه معندهاش مكتب فنى
    3-انت ممكن تستلم المخططات وممكن انت ال تعملها ودى نقطه مهمه لازم تتعلمها عشان تكون مهندس شاطر وهتكون سهله مش صعبه بالنسبه لك بما انك اشتغلت شوية تصميم لانها ببساطه تعتبر مراجعة التصميم واضافة تفاصيل عشان التفيذ
    هتبدأ بايه بقى ده هيتحدد حسب ظروف الموقع يعنى الموقع او بمعنى ادق البنود فى مرحله من الشغل لانها مش مجرد بنود مكتوبه هتتنفذ مرحله واحده عندك مثلا ف الاناره والافياش تاسيوس المواسير وبعدين العلب وبعدين سحب الاسلاك .
    اما هتقول ايه للعمال دى هتتحدد فى الموقع تديهم المخططات المعتمده ال هيشتغلوا عليها وتوزعهم فى اماكن الشغل حسب اولوية التنفيذ فى الموقع ا
    اهم البنود دى حسب جدول الكميات بقى والتنسيق مع الاعمال المدنيه والمعماريه وانك تبدأ بالارضى ومانات الصواعق انت حتى لو بدأت مش معناه هتخلصهم 100 % انا كتبتهم كمثال لانهم بيحتاجوا تاسيس من القواعد زى برده انت عندك دخول وخروج الكابلات محتاج تعمل ليها سليفات حسب اماكن الدخول والخروج (انت شوف ظروف الموقع وبعدين نتكلم )
    اما العمال هتشتغل ازاى انت بتكون مجهز المواد وطالبها من الاول وبتديهم المخططات وهما بيبقوا عارفين يقرأو المخططات ولو فى حاجه مش فاهمينها بتوضحها لهم واثناء التنفيذ انت بتروح تشيك على الشغل وكل حاجه هتلاقى لها حجات على النت فى تنفيذها وكمان فى اليوتيوب وفى كتالوجات وداتا شيت بتاع المواد هتوضح لك حجات كتير
    4-مش كل المواد مكتوبه فى جدول الكميات فى حجات بتبقى محمله على البند زى الاناره والافياش انت محتاج مواسير واسلاك وعلب نوعية المواسبر بتعرفها من المخططات والمواصفات هل هى emt ولا pvc ولا خراطيم وكمان العلب حديد ولا بلاستيك وبتحتاج علب باحجام مختلفه تستعملها ك قسامات ترييح للسلك لو فى مسارات طويله الكابلات فى بعض مناطق مثلا محتاجه مواسير وحسب قطر الكابل يتحدد قطر الماسوره الارضى اثناء تنفيذه بيحتاج ممكن تربيط او لحام وده بيحتاج مواد لحام او قفيز للتربيط دى مجرد امثله
    5-التنسيق بين المهندسين فى الموقع يعنى التنسيق بين الاقسام المختلفه يعنى تشوف المدنى هيبدأ فى جزء من الموقع وتعرف من بدرى عشان لو المواد مش جاهزه تجهزها وكمان الميكانيكا الاجهزه الميكانيكيه ال محتاجه تغذيه كهربائيه لازم باستمرار تطلب فيها نسخه من المخططات المعتمده لان ممكن تتنقل من اماكنها زى السخنات والتكييف مثلا بردوا دى مجرد امثله عشان تحدد اولية الشغل فين بالظبط لان دايما عدد الكهربائيه بيبقى اقل عدد فى المواقع ومش هتشتغل فى كل مكان فى وقت واحد وممكن تشتغل فى مكان مش مهم وتعطل اماكن تانيه
    5-المخططات جاهزه ايوة لكن المواد مسؤلية مهندس الموقع مع المشرفين ال شغالين فى الموقع وزى ما قولت لك حسب الشركه ممكن تكون انت ال هتعمل كل حاجه
    والمخططات سابقه التنفيذ بمعنى ان كتير تكون مخططات التنفيذ خالصه ومعتمده من الاستشارى لكن ظروف الشغل فى الموقع بيحصل تعديل تزود حجات تنقص حجات دى ال بيبقى عارفها هو بتاع الموقع وساعات مثلا بعض الناس بتتأخر فى اعتماد المخططات من الاستشارى وبتتاخر فى عمل المخططات التنفيذيه وده بياخر الشغل وممكن تعمل شغل وتفكه لو اعترض عليه الاستشارى لانك مش معاك مخططات معتمده وممكن تظهر مشاكل ان فى غلط فى مخططات التصميم مثلا الخطأ ده هيظهر فى مخططات التنفيذ عشان كده بقول لك المخططات تتعمل الاول قبل ما تنفذ مش تعتمد على مخططات التصميم

  9. #9
    Junior Engineer
    تاريخ التسجيل
    Apr 2011
    الدولة
    القاهرة
    المشاركات
    20

    رد: استفسار لمهندس تنفيذ أعمال كهربية

    شكرا جدا يا باشمهندس والله

    ممكن اراسل حضرتك على الإيميل بخصوص اي حاجة مش فاهمها لو سمحت؟ اسف لو هتقل علي حضرتك

    دي ملفات الكود المصري اللي حضرتك طلبتها


    الجزء الاول
    http://www.4shared.com/file/MKAAQe5e/_part1.html
    الجزء الثاني
    http://www.4shared.com/file/bDXjS9uv/_part2.html
    الجزء الثالث
    http://www.4shared.com/file/pBoHQW6e/_part3.htm

  10. #10
    Junior Engineer الصورة الرمزية Ibrahem abd elhamed
    تاريخ التسجيل
    Jul 2010
    الدولة
    KSA
    المشاركات
    78

    Red face رد: استفسار لمهندس تنفيذ أعمال كهربية

    اقتباس المشاركة الأصلية كتبت بواسطة ahmedsarhan مشاهدة المشاركة
    شكرا جدا يا باشمهندس والله

    ممكن اراسل حضرتك على الإيميل بخصوص اي حاجة مش فاهمها لو سمحت؟ اسف لو هتقل علي حضرتك

    دي ملفات الكود المصري اللي حضرتك طلبتها


    الجزء الاول
    http://www.4shared.com/file/MKAAQe5e/_part1.html
    الجزء الثاني
    http://www.4shared.com/file/bDXjS9uv/_part2.html
    الجزء الثالث
    http://www.4shared.com/file/pBoHQW6e/_part3.htm

    بالتوفيق ان شاء الله
    وممكن طبعا ، تبعت ال انت عاوزه في اي وقت ان شاء الله

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. سؤال عن تنفيذ أعمال غرفة المضخات
    بواسطة محمد عبد الفتاح المصرى في المنتدى قسم التصميم Design Department
    مشاركات: 0
    آخر مشاركة: 28-09-14, 04:40 PM
  2. استفسار عن عرض وظيفى لمهندس كهرباء ؟؟؟
    بواسطة جمال نبيل محمد عشماوى في المنتدى قسم التصميم Design Department
    مشاركات: 6
    آخر مشاركة: 29-10-12, 08:33 PM
  3. تنفيذ خط 33 ك ف
    بواسطة باسم نعمه حاجم في المنتدى قسم الخطوط الهوائيه لنقل وتوزيع الطاقه Over Head Transmission Lines
    مشاركات: 0
    آخر مشاركة: 22-01-11, 07:36 AM
  4. استفسار حول منظومة كهربية
    بواسطة محمود مصطفي محمود في المنتدى قسم التصميم Design Department
    مشاركات: 5
    آخر مشاركة: 27-03-10, 03:47 PM
  5. دليل مهم لمهندس الموقع
    بواسطة وهيبي شكشك في المنتدى قسم التصميم Design Department
    مشاركات: 3
    آخر مشاركة: 17-02-10, 01:05 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
 

 

 

Flag Counter