مصر أم الدنيا آه
قالي جدي الأولاني قول لأم الدنيا آه
وآه عليكي يا مصر لما تحضني كل القضاة
تحضنيهم وتسيبيهم ينفذوا شرع الإلاه
شرع إبن الشيخ مبارك
سيب ميدان رمسيس يقول
يحكي لينا ع اللي جاي وع اللي راح
يوم ماكنت هناك يامصر شفت ألف ...إتنين تلاته لحد عشرة مهندسين
ممنوعين يدخلوا حتي النقابة
دبريني يا أم الغلابة
أعمل إيه في ولادي لما ياكلوا طين
أعمل إيه في ولادي يا أما لما أشوفهم مدبوحين
البنات قبل البنين
رجعوا عصر السبايا بالرصاص
وتقولي لهم ليه يا مصر
يقوم يرد البيه عليا
بس يا إبني دا أمن مصر
أمن دولة يا أخويا يعني
والله عمري في يوم ما أنادي لحضن مصر
يوم ما يمشي الشيخ مبارك
يوم ما هبقي ف حضن مصر
يومها يوم ولا كل نصر
يومها مش هحتاج أكون غير إني أحس بحضن مصر
إمتي يا أما هتحضنيني يا أحلي إسم
قالي جدي الأولاني قول .....لأم الدنيا آه
وآه عليكي يا مصر لما .......!!!!!!!!!!!