مشاهدة نتائج الإستطلاع: مستوي الشرح

المصوتون
298. أنت لم تصوت في هذا الإستطلاع
  • ضعيف

    1 0.34%
  • متوسط

    20 6.71%
  • جيد

    100 33.56%
  • ممتاز

    177 59.40%
صفحة 1 من 24 123411 ... الأخيرةالأخيرة
النتائج 1 إلى 10 من 232

الموضوع: من الأن سوف يتم شرح كورس كاميرات المراقبه من الألف الياء

  1. #1
    Junior Engineer الصورة الرمزية waelgharam
    تاريخ التسجيل
    Jun 2009
    الدولة
    Cairo
    المشاركات
    113

    من الأن سوف يتم شرح كورس كاميرات المراقبه من الألف الياء

    بسم الله الرحمن الرحيم

    أنواع الكاميرات
    لدينا نوعين من الكاميرات أهمها
    Indoor Camera ودي يقال عنها انها كاميره داخليه بمعني انها تعمل داخل المباني
    outdoor Camera ودي كاميره خارجيه تعمل في الطرق والشوارع
    Outdoor Camera

    Indoor Camera

    طب ايه الفرق بينهم
    الفرق هنا انا الكاميره الداخليه لا تتحمل التعرض للعوامل الجويه او الشمس
    ولكن الكاميره الخارجيه تتحمل ذلك
    طب يعني مفيش حل اننا نخلي الكاميره الداخليه دي كاميره خارجيه
    لأ طبعا في حل اننا نجيب حاجه اسمها هاوسنج زي ما أنتو شايفين
    ونحط فيه الكاميره الداخليه وخلاص ويبقي كده حولناها كاميره خارجيه زي ما أحنا شايفين
    دي كانت الانواع الارئيسيه للكاميرات اللي هي
    Indoor , Outdoor
    طب أنواع الكاميرات من حيث الاستخدام هي
    Fixed Camera كاميرات ثابته تستخدم لتغطيه مكان معين

    وفي كاميرات ثابته تسمي Dome Camera مثل هذه

    Zoom Camera كاميره ثابته ولكنها لها خاصيه تقريب وتبعيد الصوره وهي تستخدم في الأماكن الحساسه التي تحتاج الي دقه ( كما ترونها في الافلام الامريكيه يحدد شخص معين ويعمل عليه زووم فتجد الكاميره تقترب من الشخص حتي تصل اليه )

    PTZ Camera كاميره متحركه يمينا ويسارا واعلي واسفل (بمعني كاميره متحركه بشكل دائري)بالاضافه الي خاصيه الزووم فنوعية هذه الكاميرات مكلف ولكن يستخدم لتغطية اماكن هائله

    ويتوجد كاميرات ثابته تم تحويلها الي كاميرات PTZ
    عن طريق تركيب موتور بالهاوسنج زي كده

    IP Camera وهي كما ذكرها أخانا أمجد في حديثه وهي عباره عن كاميره عاديه ولكن توصل بكابل نيتورك كأي جهاز كمبيوتر وتوصل بالسويتش ومن خلال اي جهاز كمبيوتر علي الشبكه والاسطوانه الخاصه بالكاميره يمكن اضافة IP لها ورؤيتها بطريقه بسيطه جدا

    طب يلا نتكلم بالتفصيل عن الكاميرات دي شويه
    Fixed Camera

  2. #2
    Junior Engineer الصورة الرمزية waelgharam
    تاريخ التسجيل
    Jun 2009
    الدولة
    Cairo
    المشاركات
    113

    رد: من الأن سوف يتم شرح كورس كاميرات المراقبه من الألف الياء

    أنا أسف علي التأخير لكن اليوم لسه ما خلصش
    قولنا انشاء الله هانشرح هذه الكاميرات بالتفصيل

    أولا Fixed Camera

    من دلوقتي هانقول Fixed Camera
    يعني اي كاميره ثابته في الدنيا أو أي كاميره ثابته علي مكان معين هانقول عليها Fixed Camera زي ايه
    CCD , Fixed Dome Camera, Fixed IP Camera, Wireless Camera
    يعني كل الكاميرات دي هانقول عليها Fixed Camera
    [IMG]http://ameritag.net/images/img_*******_cctv1.jpg[/IMG]


    بحيث لما نقول كاميرا ثابته نعرف علي طول ان الكاميره الثابته او fixed Camera دي ممكن تكون كاميره CCD أو Dome أو IP او Wireless
    ازاي بنعرف نشتري الكاميره الــ Fixed من غير ما يضحكو علينا
    أي كاميره ليها بعض الخواص اللي بتميزها
    انا دلوقتي رايح اشتري كاميره فابقول للشركه اللي هاتبعيلي الكاميره انا عايز Fixed Camera لو سمحت هايقولي نوعية الكاميره اللي هو عايز يبعهالي علي اساس اني مش فاهم مثلا
    طيب اولا هابدأ أسألوا كذا سؤال
    1- الكاميره دي بتشتغل NTSC ولا PAL
    بالنسبة للكاميرات الــ NTSC بتلاقيها صورتها ثابته ونقيه عن الـ PAL
    والكاميرات الــ PAL صوره متذبذبه عند الأضاءه العاليه
    2- الكاميره دي كام TVL وهي أختصار TV Line
    ودي هي دقة الوضوح للكاميره بمعني تاني ان دقة وضوح الكاميره تقاس بـ TVL
    لو قالك مثلا ان الكاميره دي 380 TVL يبقي أكيد دقة الوضوح بتاعتها مش كويسه بالدرجة ولكن لو قالك ان الكاميره دي 480 TVL يبقي كويس
    معني كده ان كلما زاد TVL كلما كان أحسن
    3- حجم العدسه وتقاس بالميلي متر
    وحجم الكاميره دي بيعتمد عليك انت لو عايز الكاميره تجيب مسافات قريبه وعرض كبير فامن الممكن ان تختار عدسه 3 mm أو 3.8 أو 6 mm ولو عايز الكاميره تجيب مسافات بعيده مثلا عايزها تجيب مدخل طويل فامن هنا نختار عدسه 12 mm
    من هنا نقول كلما زاد حجم العدسه كلما زادت المسافه
    ممكن تسألني وتقولي طب معني كده ان العدسه 12 mm أحسن من 3 mm اقولك لأ مفيش حاجه أحسن من حاجه ولكن ممكن تلاقيني مش محتاج أجيب طول محتاج أغطي مساحه قريبه مني والناس دي تظهر بوضوح عندي وخلي بالك ان العدسه 3 mm بتجيب طول قليل وعرض كبير ولكن العدسه 12 mm بتجيب طول كبير وعرض قليل فكل واحده ليها مزاياها
    ملحوظه حلوه :
    العدسه دي انت اللي بتحددها مع الشخص اللي ها يبيعلك الكاميره يعني انت مش لازم تاخد الكاميره بالعدسه بتاعتها انت بتقولو انا عايز الكاميره دي بس عايز عدسه مثلا 12
    mm
    4- هل الكاميره دي بتشتغل في الوضع الليلي ولا لأ IR Camera وهي تعني Infra Red Camera
    ودي الكاميرات اللي بتشتغل بالاشعه تحت الحمراء وهي كاميره خاصه بالرؤيه الليليه ومعظم الكاميرات الان تدعم هذه الخاصيه لأن من أهم الاشياء انك تتابع شركتك بعد مواعيد العمل والشركه مغلقه بحيث لو حدثت سرقه معينه او اي شئ تقدر تكتشفها وتعرف مين اللي سرق حتي لو لم توجد اي نسبة أضاءه
    و IR Camera تقاس بحاجه اسمها LUX وهذه وحدة قياس نسبة الاضاءة وكلما قلت كلما كان أفضل
    بمعني لو قال لك ان الكاميره دي IR تقولو كام LUX يقولك 2 LUX ده كده معناه ان الكاميره دي تشتغل بس في الاضاءات الخافته ولكن لو قالك 1 Lux يبقي الكاميره تشتغل في اضاءة اقل لو 0.5 Lux يبقي الكاميره تشتغل في الظلام لو 0 Lux يبقي الكاميره تشتغل في الظلام التام ويمكنك رؤية اي شخص حتي لو الشخص نفسو مش شايف حاجه خالص

  3. #3
    Junior Engineer الصورة الرمزية waelgharam
    تاريخ التسجيل
    Jun 2009
    الدولة
    Cairo
    المشاركات
    113

    رد: من الأن سوف يتم شرح كورس كاميرات المراقبه من الألف الياء

    Zoom Camera
    PTZ Camera
    هي نفس خواص Fixed Camera ولكن يزيد عليها حاجه أسمها Optical Zoom
    وهي تقاس بالـ X
    مثلا 22 x او 23 x أو 10 x
    وتختلف علي حسب نسبة التقريب والتبعيد للصوره بحيث كلما زادت الـ X كلما كانت الصوره أكثر وضوحا زي ما أحنا شايفين

    وكلما قلت الـ X كلما قلت جودة الصورة في حالة التقريب
    ملحوظه صغيره :
    أنا كنت نسيت حاجه ولازم أقولها دلوقتي
    مش أي كاميره تقدر تغير العدسة بتعتها أعتقد ان الكاميرات CCD فقط هي اللي تقدر تغير العدسة بتعتها
    باقي بس ان أتكلم عن الكاميره الزكيه
    هناك تقنيات متقدمة ومتطورة في عالم كاميرات الفيديو المختلفة. ولكننا سنتطرق لكاميرات الفيديو الرقمية الذكية Smart digital video camera, التي تستخدم للمراقبة. جميعنا يعرف كاميرات الفيديو العادية المعروفة بـ CCTV Camera , تستخدم - فقطً – لتسجيل الأحداث وللمراقبة في معظم المنشآت الحكومية والخاصة.
    غير أن إيجاد كاميرات المراقبة الذكية سيتيح تخصيص عدد قليل من الموظفين لمتابعتها، كما سيسمح بتوسيع استعمالها في المرافق العامة.
    الكاميرا الذكية لها محاسن كثيرة. ومن أهمها عدم استهلاك طاقة كبيرة كما هو الحال بالنسبة لكاميرات الـ CCTV Camera. إذ إنها لا تعمل إلا عند وجود شخص أو حركة أو صوت. يوجد فيها عدد من الحساسات ذات التطبيقات المختلفة. هناك حساسات تعتمد على الأشعة, صممت لكشف حركة الأجسام , ومن ثم تبدا الكاميرا في التحرك تجاه الهدف والتركيز عليه ومتابعته. عند ابتعاد الهدف عن نطاق الكاميرا، فإنها ترسل إشارة إلى الكاميرات المجاورة لمتابعة الجسم المتحرك وتحديد مكانه. وهذا النوع من الشبكات يدعى Smart Camera Networks شبكات الكاميرات الذكية.
    هناك نوع أخر يعتمد على كشف الصوت ومتابعة مصدره, وهذا النوع من الكاميرات حديث إلى حد ما. إذ إنها صممت بطريقة تعتمد على مبدأ Voice Recognition التعرف على مصدر الأصوات المختلفة. على سبيل المثال: إذا كان هنا إطلاق نار فإن الكاميرا تعرف أن هناك صوت إطلاق رصاص, ومن ثم تبداء العمل وتحديد مكان الصوت ومتابعته, وإرسال إشارة إلى جميع الكاميرات المتصلة بالشبكة, ومن هنا تتم متابعة مصدر الصوت.
    النوع الثالث من الكاميرات الذكية يعمل على حاسة الشم لمعرفة نوع المادة المتطايرة في الجو. وقد دُربت الكاميرات للتفريق بين روائح السوائل والغازات المختلفة. الأبحاث في هذا المجال متقدمة جداً, وتوجد كاميرات متطورة وحديثة ولكنها تحاط بسرية عالية, نظراً لاستخدامها في المصانع الكيميائية والمنشآت النووية. قد توجد هذه الكاميرات في الأسواق, ولكنها ليست ذات تقنيات عالية. ويمكن استخدام هذه الكاميرات في المنشآت الصناعية والتي تنتج غازات أو عناصر سامة أو مشتعلة.
    يمكن تصميم كاميرا تعتمد على نوعين أو أكثر من الحساسات. ولكنها ستكون باهظة التكلفة, خصوصاً عند دمجها مع كاميرات أخرى عن طريق الشبكة الذكية. الحل المثالي أن يكون عندك عدد من الدوائر التلفزيونية المغلقة. كل دائرة (شبكة) تعمل بطريقة مختلفة حسب المكان والبيئة المحيطة. كاميرات الصوت مثلاً: يجب ألا تكون في أماكن مزدحمة, مثل المجمعات التجارية, المدارس, مراكز التدريب، الممرات السرية, المداخل الخارجية للمكتبات والمتاحف والمنشآت العسكرية قد يكون المكان المناسب لتثبيت هذا النوع من الكاميرات.
    من المشكلات التي نواجهها عند استخدام كاميرات CCTV Camera العادية أنها تعمل طوال الوقت, وهذا يجعل مراقبة الشاشات مهمة صعبة. فقد نحتاج إلى عدد كبير من حراس الأمن لمراقبة الشاشات, وذلك لأن الإنسان العادي لا يمكنه مراقبة أكثر من ثماني كاميرات في وقت واحد. ولكن عندما تعمل الشاشة فقط في وقت وجود الخطر, فإنه من السهل مراقبتها ومتابعتها. فهي تلفت انتباه المراقب في أوقات محددة.

  4. #4
    Junior Engineer الصورة الرمزية عبد الحميد غزالي عثمان
    تاريخ التسجيل
    Mar 2008
    الدولة
    مصر
    المشاركات
    143

    رد: من الأن سوف يتم شرح كورس كاميرات المراقبه من الألف الياء

    جزاكم الله خيرا أخي الكريم شرح جميل جدا لكن أرجو الاستفسار عن طرق توصيل الكاميرات في المنشات كما أرجو ارفاق بعض ملفات الاوتوكاد التي تشرح الرايزر لكل منشأه وجزاكم الله خيرا وفي انتظار المزيد
    عبد الحميد غزالي عثمان
    جمهورية مصر العربية
    قنا-كرم عمران

  5. #5
    Junior Engineer الصورة الرمزية سلطان سيف الدين
    تاريخ التسجيل
    Dec 2008
    الدولة
    القاهرة
    المشاركات
    58

    رد: من الأن سوف يتم شرح كورس كاميرات المراقبه من الألف الياء

    مجهود رائع وموضوع ممتااااااااااااااز حقا ياريت الاستمرار والجديد من حضرتك
    سبحان الله والحمد الله ولااله الا الله

  6. #6
    عضو فى رابطة مهندسى الكهرباء العرب الصورة الرمزية محمدالبحيرى
    تاريخ التسجيل
    Dec 2009
    الدولة
    المملكة العربية السعودية
    المشاركات
    73

    رد: من الأن سوف يتم شرح كورس كاميرات المراقبه من الألف الياء

    السلام عليكم ورحمة الله وبركاته
    بارك الله فيك و نفعنا بعلمك
    يا ريت تكلمنا أيضا عن ربط ال CCTV على منظومة ال BMS

  7. #7
    Junior Engineer الصورة الرمزية صلاح الدين مصطفى
    تاريخ التسجيل
    Mar 2008
    الدولة
    Mansoura
    المشاركات
    42

    رد: من الأن سوف يتم شرح كورس كاميرات المراقبه من الألف الياء

    جزاكم الله خيرا أخي الكريم مجهود رائع وموضوع ممتاز حقا ياريت الاستمرار والجديد من حضرتك

  8. #8
    Junior Engineer الصورة الرمزية waelgharam
    تاريخ التسجيل
    Jun 2009
    الدولة
    Cairo
    المشاركات
    113

    رد: من الأن سوف يتم شرح كورس كاميرات المراقبه من الألف الياء

    إنشاء سوف أكمل الموضوع إنهرده إنشاء الله

    ولكن أعتقد انكم عارفين ان الموضوع طويل شويه ومش هاينفع يخلص كله مره واحده

    ولكن هانخلصه إنشاء الله

  9. #9
    Junior Engineer الصورة الرمزية waelgharam
    تاريخ التسجيل
    Jun 2009
    الدولة
    Cairo
    المشاركات
    113

    رد: من الأن سوف يتم شرح كورس كاميرات المراقبه من الألف الياء

    مجموعة مجداف السعوديه
    المره دي ها نعمل بيان عملي ونجيب كاميره والداتا شيت بتاعتها ونشوف ازاي نحلل الكلام ده ونفهمه بطريقه سليمه ومنطقيه

    دي صوره لكاميره Zoom زي ما أحنا عرفنا في الاول وفي بجانبها بعض الخواص الخاصه بيها او ممكن نقول دي Data Sheet بتاعة الكاميره بحيث أحاول أعلمكم أزاي نشوف الداتا شيت دي ونحاول نحللها بطريقه سليمه
    أولا Pickup Device
    وده عباره عن حجم ونوع الكاميره زي ما أحنا شايفين
    ثانيا Number of Pixel
    ودي عباره عن عدد الخطوط العرضيه والطوليه للكاميره
    العرضيه هي 537 والطوليه هي 492
    ثالثا System Of Signal
    طبعا هنا بيقولك انه بيدعم PAL , NTSC وطبعا أحنا أتكلمنا عنهم
    رابعا Horizontal Resolution
    طبعا هما بيقولك هي فيها كام TVL واحنا أتكلمنا عنها كتير وبيقولك دلوقتي هي عباره عن 420 TVL
    معني ذلك ان الــ Resolution بتعها كويس
    خامسا Minimum Illumination
    طبعا بيتكلم عن أقل نسبة أضاقه يقدر يجبها وهو هنا يقدر يجيب حتي 0 Lux وفي هذه الحاله نقدر نقول انه يقدر يظهر اي شخص في الظلام التام
    سادسا Lens
    هنا يقدر يعمل Zoom من 3.3 وحتي 105.3 ميلي
    كده يقدر يقرب لمسافه قريبه ويقدر يعمل Zoom لمسافه بعيده جدا وعشان الصوره تكون واضحة لازم تعتمد علي حاجه معينه المفروض احنا عارفينها وهي الــ Optical Zoom
    لازم نعرف هي كام X وهنا هو قال انها 27 X ودي تقدر تجيب ليك الشخص اللي علي مسافات بعيده وتكون فعلا واضحه
    سابعا Backlight Compensation
    يعني مش عارف أقولكم ايه ممكن الصوره هي اللي تتكلم أكتر ولكن هاقول بس حاجه واحده هي أخنصار BLC وهي تعني Backlight Compensation وهي بيكون ليها أختيارين أما ON أو OFF
    والاختيارات دي بتكون موجوده علي الكاميره علي هيئة سويتش صغير ON , OFF
    ON هي الصوره اللي تحت
    OFF هي الصوره اللي فوق

    ثامنا Electronic Shutter
    وتسمي أيضا AES وهي أختصار لــ Auto Electronic Shutter
    وهي تحدد نسبة الاضاءة المسموحه للكاميره بحيث لو الكاميره شغاله في وضح النهار ما تظهرش الصوره باهته ولكن الصوره بيتعملها Automatically Adjust لتحديد مستوي تغير الضوء ويتلائم مع نسبة الضوء الخارجيه.
    بمعني تاني من الأخر
    لما يبقي في ضوء عالي قوي قدامك انت بتعمل ايه أكيد بتغمض عنيك أو بتقفل عنيك بسيط عشان عشان تقدر تاخد أقل نسبة ضوء ليك وفي نفس الوقت تقدر تشوف الشارع لأنك لو غمض عنيك خالص وانت ماشي هاتوقع مش هاينفع فالكاميره كده بتققل من العدسة بتاعتها عشان تاخد أقل نسبة ضوء اليها لتظهرها عندك علي الشاشة صوره واضحة وجميله
    تاسعا White Balance
    من أسمها المفروض نكون عارفنها انها بتعمل توازن في نسبة الاستضاءه اتوماتيك
    عاشره S/N
    أو ممكن نقول عليها Signal to Noise Ratio
    ودي هي درجة تحمل الاشاره نسبة قد ايه من الــ Noise وه تقاس بالديسيبل
    والنسبة اللي موجوده دي هي نسبة طبيعيه 48 dB
    بعد كده هاتلاقي الخواص الكهربيه والفيزيائيه زي اي كاميره عاديه او اي جهاز الكترونيك
    تعمل تحت درجة حراره قد ايه
    الباور سبلاي الخاص بيها كام قولت وبيخرج قد ايه
    وزنها قد ايه والــ Dimension " اطولها وعرضها وارتفاعها"
    باقي بس شوية حاجات مختلفه ما يعرفهاش غير المهندسين الاتصالات بالاخص
    وهما BUS Method 485 , BUS arbitration , Baud Rate
    الـ bus method 485 ودي نوعية التوصيل بتلاقي الكاميره دي تدعم 485 واوقات تلاقيها بتدعم 422 وعلي حسب الجهاز اللي هاوصل الكاميره بيه بيدعم اني حاجه فيهم وبوصلها وكنا بناعني من المشكله دي زمان لأنك ممكن تجيب كاميره تدعم 485 وجهاز الــ DVR يكون بيدعم 422 من هنا أقدر أقولك ان خاصية الزوم مش هاتشتغل بالطريقه دي
    ودلوقتي والحمد لله كل أجهزة DVR أو معظمها بدعم الخاصيتين
    bus arbitration دي نوعية السوفت وير اللي هاتشتغل عليها الكاميره عشان نقدر نشوفها ونعملها زوم أو لو كانت كاميره متحركه يبقي عشان نقدر نحركها
    Baud Rate ده التردد بتاع الكاميره اللي هايشتغل عليها ووحدة قياسه هو bps وهي bit per second "وحدة قياسه هو بت لكل ثانيه" وده نقدر نقول انك تكون عارفها عشان لو لاقيتها في جهاز الـ DVR تبقي تحطهالو عشان يشغلك خاصية الزوم

    ملحوظه :
    أخر تلاته دول تلاحظ انهم مرتبطين بالسوفت وير الخاص بالكاميره
    أنا تعبت جداا أنهرده قريب قوي ممكن بكره أكمل ايه هي الكابلات المستخدمه ونوعية التوصيل وشوية حاجات كده
    وأعزوروني أنا بعمل الحاجات دي من غير ما أحضر
    السلام عليكم ورحة الله وبركاته

  10. #10
    مشرف فى منتدى الشريعة و الحياة الصورة الرمزية alaa musa
    تاريخ التسجيل
    Dec 2008
    الدولة
    السودان
    المشاركات
    697

    رد: من الأن سوف يتم شرح كورس كاميرات المراقبه من الألف الياء

    مشكور - ونحن ننتظر منك اكمال ما بدأت والمزيد منك دائما

    EEET- Research Assistant

صفحة 1 من 24 123411 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 7 (0 من الأعضاء و 7 زائر)

المواضيع المتشابهه

  1. دورة رائعة في كاميرات المراقبه CCTV Course
    بواسطة eng.ahmed hassan في المنتدى قسم تصميم أنظمة التيار الخفيف light current systems
    مشاركات: 139
    آخر مشاركة: 27-09-14, 10:10 AM
  2. مشاركات: 46
    آخر مشاركة: 20-02-14, 01:10 PM
  3. دورة رائعة في كاميرات المراقبه CCTV Course
    بواسطة محمد جمال السيد في المنتدى قسم التصميم Design Department
    مشاركات: 5
    آخر مشاركة: 29-09-13, 02:57 PM
  4. كاميرات المراقبه
    بواسطة سيدأحمد عبدالرؤوف عثمان في المنتدى قسم الأتصالات
    مشاركات: 4
    آخر مشاركة: 24-09-13, 12:10 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •